Tuesday, September 22, 2015

ഇന്നലത്തെ ആകാശത്തിനു വേണ്ടി.

പലർക്കായി
കട്ടിലായെന്റെ
പൂവരശിനും,
അടിയിലെ വേവ്
മോളിൽ ചോറാക്കിയ
കരിക്കലത്തിനും,
കാലന്റെ മുഖമെന്നു പറഞ്ഞു
മുറിച്ചു തള്ളിയ
മുറ്റത്തെ മാവിനും,
അതിർത്തിത്തർക്കത്തി-
ലിരുപുറം ചേരാതെ പോയ
പുളിയൻ ചാമ്പയ്ക്കും,
ഓർമ്മകൾ കൊണ്ടൊരാലിംഗനമല്ലാതെ,
ഒഴിഞ്ഞു പോക്കിന്റെ
ശൂന്യമായ പുഞ്ചിരികളല്ലാതെ,
ഒന്നും തരാനില്ലാതെ ഞാനിതാ,

ഇന്നലെകളെ പിഴിഞ്ഞുണക്കി
ഏതോ ഒരു പുസ്തകത്തിലേയ്ക്ക്
ഞരമ്പു കാണിച്ചിരിക്കുന്നൊരു
കരിയിലയാക്കി വയ്ക്കുന്നു.
പേരിടാനാകാതെ
പടിയിറങ്ങിപ്പോയ പലതും
പിൻതിരിഞ്ഞു നോക്കുന്ന
വധുവിനെപ്പോലെയാണ്,
ചില നഷ്ടങ്ങൾ,
ബാല്യം നഷ്ടപ്പെട്ട കുട്ടിയെപ്പോലെയും.

3 comments:

  1. പേരിടാനാകാതെ
    പടിയിറങ്ങിപ്പോയ പലതും
    പിൻതിരിഞ്ഞു നോക്കുന്ന
    വധുവിനെപ്പോലെയാണ്,
    ചില നഷ്ടങ്ങൾ,
    ബാല്യം നഷ്ടപ്പെട്ട കുട്ടിയെപ്പോലെയും. Grt words chinnu!

    ReplyDelete
    Replies
    1. നന്ദി സുഹൃത്തേ.. :)

      Delete
  2. പേരിടാനാകാതെ
    പടിയിറങ്ങിപ്പോയ പലതും
    പിൻതിരിഞ്ഞു നോക്കുന്ന
    വധുവിനെപ്പോലെയാണ്,
    ചില നഷ്ടങ്ങൾ,
    ബാല്യം നഷ്ടപ്പെട്ട കുട്ടിയെപ്പോലെയും. Grt words chinnu!

    ReplyDelete

Your comments here