Friday, September 11, 2015

ചിതറിയവർ.

സ്മാരകങ്ങളില്ലാതെ ഓർക്കപ്പെടാൻ,
ഒരേ നൂൽപ്പാലത്തിലൂടെ
ഓരോ രാത്രിയും
ഒരുമിച്ചു നടക്കാനിറങ്ങുന്ന
ചില മനുഷ്യരുണ്ട്.
മറവിയിലേക്കു ചിത കത്തുമ്പോഴും,
മറഞ്ഞിരുന്നുകൊണ്ടു
മനസ്സിൽ നിന്നിറങ്ങിപ്പോകാത്തവർ.
അശക്തമായ ആർത്തിയോടെ നോക്കുന്ന
ഇന്നലെയുടെ മുറിവുകളിൽ,
അരികു പൊട്ടിയ കണ്ണാടിയിലെന്ന പോലെ
പ്രതിബിംബങ്ങളായി ജീവിക്കുന്നവർ.
ആ ചില മനുഷ്യരിൽ,
ഞാനെന്നിലേക്കാളേറെ 
തെളിഞ്ഞിരിക്കുന്നു!

No comments:

Post a Comment

Your comments here